ევროკავშირის ზრდასრული მოსახლეობის 70% Covid-19-ის საწინააღმდეგო ვაქცინით სრულად აცრილია - ამის შესახებ ევროკომისიის პრეზიდენტი, ურსულა ფონ დერ ლაიენი Twitter-ზე წერს.
„ჩვენ კიდევ უფრო წინ უნდა წავიდეთ. უფრო მეტი ვაქცინირებული ევროპელი გვჭირდება. ვაქცინაციაში ჩვენ დანარჩენ მსოფლიოსაც უნდა დავეხმაროთ. პარტნიორების მხარდაჭერას გავაგრძელებთ“, – წერს ევროკომისიის პრეზიდენტი.
70% of adults in EU are fully vaccinated.
— Ursula von der Leyen (@vonderleyen) August 31, 2021
I want to thank the many people making this great achievement possible.
But we must go further!
We need more Europeans to vaccinate. And we need to help the rest of the world vaccinate, too.
We'll continue supporting our partners. pic.twitter.com/VxdvZlrwYv
Bloomberg-ის სტატისტიკით, ამ დროისთვის მსოფლიოში 5.26 მილიარდი დოზა ვაქცინაა ადმინისტრირებული.
NCDC-ის 31 აგვისტოს მონაცემებით, საქართველოში ჩატარებულია 1 184 306 აცრა. 1 დოზით ვაქცინირებულია 790 542 ადამიანი, რაც მოზრდილი მოსახლეობის 27.7%-ს შეადგენს. სრულად ვაქცინირებულია 393 764 ადამიანი, მოზრდილი მოსახლეობის 13.8%.