“ბელარუსული სახლის” ხელმძღვანელი ვიტალი შიშოვი კიევში, პარკში ჩამომხრჩვალი იპოვეს, მას შემდეგ, რაც სავარჯიშოდ გასული სახლში აღარ დაბრუნდა.
კიევის პოლიციამ საქმეზე გამოძიება დაიწყო. განიხილება როგორც თვითმკვლელობის, ასევე მკვლელობის ვერსია.
ვიტალი შიშოვი ბელარუსიდან გამოქცეულ პირებს უკრაინაში საცხოვრებელი ადგილისა და სამსახურის შოვნაში ეხმარებოდა. 2020 წლის აგვისტოს არჩევნების შემდეგ, ბელარუსი არაერთმა ადამიანმა დატოვა და თავი მეზობელ ქვეყნებს შეაფარა.