ამერიკულმა ფარმაცევტულმა კომპანიებმა Pfizer-მა და Moderna-მ ევროკავშირს Covid-19-ის საწინააღმდეგო ვაქცინები გაუძვირეს. ამის შესახებ ინფორმაციას Financial Times-ი ავრცელებს.
ახალი კონტრაქტის მიხედვით, Pfizer-ის ერთი დოზის ფასი 15.50 ევროდან 19.50 ევრომდე გაიზარდა, Moderna-ს 1 დოზის ფასი კი 22.6$-ის ნაცვლად, 25.50$ იქნება.
ფასის ცვლილება ეხება 2.1 მილიარდ დოზას, რომელიც ევროკავშირს 2023 წლამდე უნდა მიეწოდოს.
გარიგების პირობები მას შემდეგ შეიცვალა, რაც მე-3 ფაზის კლინიკურმა კვლევებმა აჩვენა, რომ ამ კომპანიის ვაქცინები მათ კონკურენტებთან შედარებით ეფექტურია.
როგორც ცნობილია, საქართველომ Pfizer-სგან მილიონი დოზა შეიძინა, თუმცა საქართველოს მთავრობა და კომპანია ვაქცინის ფასს არ ასაჯაროებენ.
Bloomberg-ის ორიგინალური სტატიის ავტორი: მეგან დურისინი