სამხრეთ თურქეთში ხანძრის შედეგად დაღუპულთა რიცხვი რვამდე გაიზარდა, ამის შესახებ თურქული საინფორმაციო სააგენტო Anadolu Agency წერს. მათგან 7 ადამიანი ქალაქ მანავგატში, ერთი კი - მარმარისში დაიღუპა.
სოფლის მეურნეობისა და სატყეო მეურნეობის მინისტრის, ბექირ პაკდემირლის განცხადებით, თურქეთის 35 პროვინციაში აღრიცხული 129 ხანძრიდან 122 კონტროლს ექვემდებარება.
ცეცხლის ჩაქრობაში ჩართულია 16 თვითმფრინავი, 9 დრონი, 45 ვერტმფრენი, ასევე, დამატებითი დანიშნულების ვერტმფრენები და 800-ზე მეტი სახანძრო მანქანა.
თურქეთის კურორტებზე ხანძრებს მე-6 დღეა ებრძვიან. ხანძრის შედეგად ასობით ადამიანი დაშავდა.
Bloomberg-ის ორიგინალური სტატია