ჩინეთი და აშშ ბოლო წლების განმავლობაში ყველაზე სწრაფი ტემპით აწარმოებენ საქონლის გაცვლას. მსოფლიოს ყველაზე დიდი ორმხრივი სავაჭრო ურთიერთობა, როგორც ჩანს, საგადასახადო ომმა და პანდემიამ ვერ დააზიანა.
ტრამპის ადმინისტრაციის სავაჭრო გარიგებიდან 18 თვის შემდეგ დადებული ხელშეკრულება, საუკეთესო შემთხვევაში, ზავი აღმოჩნდა. აშშ-ს სავაჭრო დეფიციტი არ შემცირებულა, გადასახადების უმეტესობა კვლავ მოქმედებს და მას არ მოჰყვა მოლაპარაკებები სხვა ეკონომიკურ საკითხებზე.
და მაინც, ორმხრივი ვაჭრობა სტაბილური სფეროა აშშ-ჩინეთის ურთიერთობებში, რომელიც ყველა სხვა მიმართულებით გაუარესდა, ჰონგ-კონგის, ტაივანის, ადამიანის უფლებების დარღვევების, Covid-19-ის პანდემიის წარმოშობის დაძაბულობის ფონზე. ამას ემატება ბრალდებები ჰაკერულ თავდასხმებზე და სხვა პუნქტი.
ყოველთვიური ორმხრივი ვაჭრობა, რომელიც გასული წლის თებერვალში ჩინეთის ქარხნების შეჩერების ფონზე, $19 მილიარდამდე დაეცა, ახალი ოფიციალური მონაცემების თანახმად, აღდგა. როგორც ჩანს, მიმდინარე და შემდეგ წელს ეს ბუმი გაგრძელდება, იმის გათვალისწინებით, რომ ჩინეთმა აშშ-სგან მილიონობით ტონა სამეურნეო საქონელი იყიდა.
”ვხედავთ ძლიერ მოთხოვნას მომხმარებლების მხრიდან, რაც პანდემიაში გვხვდება. იმპორტის დონე რეკორდულად იზრდება. ეს არის ძლიერი ნიშანი იმისა, რომ ეკონომიკა აგრძელებს აღდგენას”,- აღნიშნა ჯონათან გოლდმა, აშშ-ს ეროვნული ფედერაციის საცალო ვაჭრობის მომარაგების ჯაჭვებისა და საბაჟო პოლიტიკის ვიცე-პრეზიდენტმა.
იგივე პერიოდისთვის აშშ-ში ასევე გაიზარდა ექსპორტი სამხრეთ კორეიდან და ტაივანიდან, რაც მიუხედავად Covid-19-ის ერთ-ერთი ყველაზე უარესი აფეთქებისა ყველა ქვეყანას შორის, ხაზს უსვამს აშშ-ის მოთხოვნის სიძლიერეს.
Bloomberg-ის ორიგინალური სტატიის ავტორი: ერიკ მარტინი