Bloomberg Billionaires Index მილიარდერების ფინანსური მდგომარეობის შესახებ მონაცემებს აქვეყნებს. პირველ სამეულს კვლავ ტექნოლოგიური გიგანტების ამერიკელი მფლობელები შეადგენენ.
Amazon-ის მფლობელი, ჯეფ ბეზოსი, გასული ერთი კვირის განმავლობაში 4 მილიარდით გაღარიბდა, თუმცა ეს ხელს არ უშლის, რომ 190 მილიარდი დოლარით მსოფლიოს უმდიდრეს ადამიანად დარჩეს. მას მოსდევს ელონ მასკი, რომელიც 170 მილიარდის მფლობელია. მისი ქონება გასულ კვირას 9 მილიარდით გაიზარდა. მესამე ადგილზეა ბილ გეიტსი. Microsoft Corporation-ის დამფუძნებელი 132 მილიარდ დოლარს ფლობს.
500 უმდიდრეს ადამიანს შორის 459-ზე ადგილზეა ერთადერთი მილიარდერი საქართველოდან - ბიძინა ივანიშვილი. 4 იანვრის მონაცემებით, მისი ქონება 5.67 მილიარდ დოლარს შეადგენს, რაც გასულ კვირასთან შედარებით 20 მილიონით მეტია. ბიძინა ივანიშვილის ქონებამ ბოლო წლების განმავლობაში ერთ-ერთ ყველაზე დაბალ ნიშნულს გასული წლის მარტში მიაღწია და 4.92 მილიარდი შეადგინა. ივანიშვილის ქონება ყველაზე მაღალი, 6.40 მილიარდი აშშ დოლარი, 2013 წელს იყო.