Sanofi ინფექციური დაავადებების საწინააღმდეგო mRNA ვაქცინების წარმოებაში წელიწადში 400 მილიონი ევროს ($477 მილიონი) ინვესტიციას ჩადებს.
კომპანიის განცხადებით, მისი მიზანია, ამერიკულ კომპანია Translate Bio-სთან ერთად, ხელი შეუწყოს ისეთი ვაქცინების სტაბილურ ხელმისაწვდომობას, რომლებიც საშუალო ტემპერატურაზე ინახება და გვერდით მოვლენას ნაკლებად იწვევს.
ფრანგული საერთაშორისო ფარმაცევტული კომპანია Sanofi, რომელიც ვაქცინების უმსხვილესი მწარმოებელია, Covid-ის საწინააღმდეგო პრეპარატის ბაზარზე გამოტანას ამ დრომდე ვერ ახერხებს. ამავე დროს მისმა კონკურენტმა კომპანიებმა, Moderna-მ და BioNTech-მა იმავე ტექნოლოგიის ვაქცინით ასობით მილიონი უკვე აცრა.
Sanofi Covid-19-ის საწინააღმდეგო ორ ვაქცინაზე მუშაობს. მათგან ერთი mRNA ტექნოლოგიას ეფუძნება. Sanofi-ს ორივე პრეპარატი კლინიკური კვლევების ფარგლებში იტესტება.
Sanofi ვარაუდობს, რომ 2025 წლისთვის კლინიკურ კვლევებში mRNA ტექნოლოგიაზე შექმნილი მინიმუმ ექვსი პრეპარატი ექნება.
Bloomberg-ის ორიგინალური სტატიის ავტორი: ტიმ ლო