სალვადორის პრეზიდენტი, ნაიიბ ბუკელე გეგმავს წარადგინოს კანონპროექტი, რომელიც ცენტრალური ამერიკის ქვეყანაში ბიტკოინს კანონიერ საგადასახადო საშუალებად აქცევს.
”მოკლევადიან პერიოდში, ეს შექმნის სამუშაო ადგილებს და ხელს შეუწყობს ფინანსური ჩართულობის უზრუნველყოფას”, - განაცხადა ბუკელემ მაიამიში გამართულ Bitcoin 2021 კონფერენციაზე. მისი თქმით, საკანონმდებლო ორგანოს კანონპროექტს მომავალ კვირას გაუგზავნის.
ჯეკ მალერსმა, საგადახდო პლატფორმის Strike-ის დამფუძნებელმა და აღმასრულებელმა დირექტორმა, შეხვედრაზე ასევე განაცხადა, რომ ბუკელეს მთავრობამ მას სთხოვა ემუშავა ბიტკოინის გამოყენების გეგმაზე.
”მათ მთხოვეს დავხმარებოდი გეგმის დაწერაში. ისინი ბიტკოინს განიხილავენ, როგორც მსოფლიო დონის ვალუტას”, - განაცხადა მალერსმა Bitcoin 2021 კონფერენციის Twitter-ის ანგარიშის მიხედვით.
39 წლის ბუკელეს თქმით, ბიტკოინის კანონიერი გადახდის საშუალებად გამოყენებამ შეიძლება ხელი შეუწყოს სალვადორის უკეთესი მომავლის ჩამოყალიბებას.
Bloomberg-ის ორიგინალური სტატიის ავტორი: ელიზაბეტ რემბერტი და ელექს ვასკესი