AMC-ის გამარჯვებების სერია ე.წ მოკლე გაყიდვების ტრეიდერებს, რომლებიც კონკრეტული აქციების წინააღმდეგ დებენ ფსონებს, რთულ პოზიციაში აყენებს.
კინოთეატრის აქციების ფასის 120%-იანმა ზრდამ ამ კვირაში ინვესტორები $ 1,3 მილიარდით აზარალა, იტყობინება ფინანსური ანალიტიკური ფირმა S3 Partners. AMC-ის აქციები, რომელიც GameStop-თან ერთად, საცალო ტრეიდერების სიმბოლური აქტივი გახდა, ხუთშაბათს 36% -ით გაიზარდა და 2017 წლის მაისიდან ყველაზე მაღალ დონეზე გავიდა.
საცალო ტრეიდერებმა მიღწევები Twitter- ზე ჰეშთეგებით აღნიშნეს, როგორიცაა #AMCSTRONG, #AMC500k და #OccupyWallstreetAMC. ბოლო პერიოდში კინოთეატრის აქციები მუდმივად იყო ყველაზე პოპულარული აქტივი სოციალურ სავაჭრო პლატფორმებზე, როგორიცაა StockTwits-ი. S3 Partners-ის მონაცემებით, ხუთშაბათის ზრდა შორთ-სელერებს კიდევ $634 მილიონი დაუჯდა, წლიურმა დანაკარგებმა კი $2 მილიარდს მიაღწია.
მიუხედავად იმისა, რომ ზოგიერთი "შორთი" თავის პოზიციებს ფარავდა, S3- ის იჰორ დუშანივსკის თქმით, სკეპტიკოსებისთვის დანაკარგი შეიძლება კიდევ უფრო გაუარესდეს. კომპანია, საცალო ინვესტორების საყვარელ GameStop-თან ერთად, S3 Partners-ის "Squeeze Score Metric" - ში ერთ-ერთი მოწინავეა, სადაც ორივეს 10 ქულა აქვს 10-დან.
Bloomberg-ის ორიგინალური სტატიის ავტორი: ბეილი ლიპშულთსი