ტანსაცმლით საცალო მოვაჭრე Zara-მ კოსმეტიკის ახალი ხაზი წარადგინა.
Zara, ესპანური Inditex-ის ფლაგმანი, თვალის, ტუჩის, სახისა და ფრჩხილების კოსმეტიკურ პროდუქციას მრავალჯერად კონტეინერებში გაყიდის.
კოსმეტიკური პროდუქციის გაყიდვა ბრენდის ახალი განყოფილების, Zara Beauty-ს სახელით დაიწყება. კოსმეტიკის შეძენა 12 მაისიდან ევროპაში, ჩრდილოეთ ამერიკაში, ჩინეთში, სამხრეთ კორეაში, იაპონიაში, ავსტრალიასა და ახალ ზელანდიაში შესაძლებელი იქნება ინტერნეტით, სანამ თანდათანობით გავრცელდება Zara-ს სხვა ლოკაციებზე.
Zara-ს რამდენიმე კონკურენტი უკვე ყიდის კოსმეტიკურ საშუალებებს, მათ შორისაა Hennes & Mauritz-ი, ასევე Asos-ი და Boohoo.
ეს ტენდენცია მიჰყვება ფუფუნების საცალო მოვაჭრეების ტრენდს, მათ შორის Burberry-ს, რომელიც უკვე რამდენიმე წელია კოსმეტიკას ყიდის.
Bloomberg-ის ორიგინალური სტატიის ავტორი: ჩარლს ფენტი