ახალმა ზელანდიამ კომპლექსური პაკეტი შეიმუშავა, რომლითაც 2025 წლისთვის თამბაქოსგან თავისუფალი ერი უნდა გახდეს. ინიციატივებს შორის არის თამბაქოს მოხმარებისთვის ლეგალური ასაკობრივი ზღვრის ეტაპობრივი ზრდა, რაც შეიძლება საბოლოოდ იმით დასრულდეს, რომ აიკრძალოს 2004 წლის შემდეგ დაბადებულებზე სიგარეტის და თამბაქოს პროდუქტების გაყიდვა.
"გვჭირდება ახალი მიდგომა, რადგან ყოველწლიურად დაახლოებით 4,500 ახალ ზელანდიელი კვდება თამბაქოს მოხმარების გამო," განაცხადა ჯანდაცვის სამინისტრომ.
მეორე მნიშვნელოვანი ინიციატივა ბაზარზე დაშვებულ თამბაქოს პროდუქტებში ნიკოტინის შემცველობის მინიმუმამდე შემცირებაა. ამ ინიციატივას უკვე გამოეხმაურა კერძო სექტორიც.
22nd Century, რომელიც მცენარეული ბიოტექნოლოგიის კომპანიაა და თამბაქოს მავნებლობის შემცირებაზეა ორიენტირებული, ნიკოტინის ძალიან დაბალ შემცველობის თამბაქოსა და კანაფის კვლევაზე მუშაობს. კომპანიამ განაცხადა, რომ იგი მზად არის მხარი დაუჭიროს ახალ ზელანდიას იმ მიზნის მიღწევაში, რაც 2025 წლისთვის არამწეველი ერის სტატუსის მოპოვებას გულისხმობს.
იმის გათვალისწინებით, რომ 22nd Century დაბალნიკოტინიანი სიგარეტის ერთადერთი მიმწოდებელია, რომელიც საზოგადოებრივი ჯანმრთელობის კვლევაში გამოიყენება, აქვს FDA-ს ნებართვა და მზად არის პროდუქტის კომერციულ წარმოებაზე გადასასვლელად, გამოდის, რომ კომპანიას კარგი შანსები აქვს ახალი ზელანდიის RNC სიგარეტის მოსამარაგებლად.
22nd Century-ის სიგარეტები შეიცავს მხოლოდ 0,5 მილიგრამ ნიკოტინს 1 გრამ თამბაქოზე, რაც 95%-ით ნაკლები ნიკოტინია ვიდრე თამბაქოს სხვა მწარმოებლები იყენებენ. ეს რაოდენობა ზუსტად შეესაბამება ახალი ზელანდიის წინადადებას. 22nd Century-ის RNC სიგარეტი ასევე არის ერთადერთი წვადი თამბაქოს პროდუქტი, რომელიც FDA-ს შემოთავაზებულ ნიკოტინის წესს შეესაბამება და მისი გაყიდვა უკვე ნებადართულია აშშ-ში.
ქვეყნის მემარჯვენე პოლიტიკურმა პარტიამ, ACT-მ გაავრცელა განცხადება სადაც აღნიშნულია, რომ ყველაზე ნაკლებ შეძლებულ მწეველ მოსახლეობას უფრო მეტის დახარჯვა მოუწევს სიგარეტზე.
Bloomberg-ის ორიგინალური სტატია