Netflix- ი Sony Pictures- ის ახალ ფილმებს, კინოთეატრებში გასვლის შემდეგ, საკუთარ პლატფორმაზე განათავსებს. მრავალწლიანი ხელშეკრულება სტრიმინგის სერვისს Jumanji-ისა და Spider-Man-ის პოპულარულ ფრენჩაიზებზეც მიანიჭებს უფლებებს.
ხუთშაბათს გაცხადებული გარიგების ფინანსური პირობები არ გახმაურებულა, თუმცა Bloomberg-მა ადრე გაავრცელა ინფორმაცია, რომ Sony-ის წლიურად 250 მილიონ დოლარიანი გარიგების დადება სურდა.
Netflix -ის პლატფორმაზე ასევე განათავსდება Morbius-ს, Spider-Man-ის სპინოფსა და ბესტსელერი რომანის- Where the Crawdads Sing-ის ადაპტაცია.
შეთანხმება Sony-ის 2022 წლის პროექტებით დაიწყება. კომპანიას წინა გარიგება Starz- თან აქვს დადებული, რომელიც Lions Gate-ს ეკუთვნის.
Sony ერთადერთი მსხვილი ჰოლივუდური სტუდიაა, რომელიც Netflix-ის კონკურენტ სტრიმინგ სერვისს არ ფლობს.
Netflix-ს არ დაუზუსტებია, კინოთეატრებში გასვლიდან რამდენ დღეში გამოჩნდება Sony-ის ფილმები მის პლატფორმაზე. სხვა კინოსტუდიებმა კინოჩვენების დრო უკვე შეამცირეს, თუმცა ვადა შესაძლოა ცოტათი გახანგრძლივდეს, როდესაც Covid-19-ის შემთხვევების კლების შემდეგ, კინოთეატრები გლობალურად ამუშვდება.
ახალი ამბის გავრცელების შემდეგ Netflix- ის აქციები 1,8% -ით გაიზარდა და $556,90 შეადგინა, რაც ყველაზე მაღალი ფასია ერთ თვეზე მეტი ხნის განმავლობაში.
Bloomberg-ის ორიგინალური სტატიის ავტორი:ლუკას შოუ