მონაცემთა დაცვის წამყვანი ევროპული ორგანიზაციები TikTok-თან დაკავშირებით გაფრთხილებას ავრცელებენ. მათი განცხადებით, არ არის გამორიცხული, ByteDance-ის ვიდეოების აპლიკაცია ევროპელი მომხმარებლების პირად მონაცემებს ჩინეთს უკანონოდ უზიარებდეს.
”TikTok-ი გვეუბნება, რომ ევროკავშირის მონაცემები გადაეცემა აშშ-ს და არა ჩინეთს, თუმცა ჩვენ გავიგეთ, რომ შესაძლოა, ჩინეთში AI ინჟინრებს მონაცემებზე წვდომა ჰქონდეთ”, - განაცხადა ირლანდიის მონაცემთა დაცვის კომისარმა ჰელენ დიქსონმა.
TikTok-ის მიერ არასრულწლოვანთა პერსონალური მონაცემების დაცვის საკითხი დიდი ხანია ევროკავშირის შეშფოთებას იწვევს. დეკემბრიდან ამ მონაცემების დამუშავების პროცესზე მეთვალყურეობას ირლანდიის მარეგულირებელი ახდენს.
საკითხზე TikTok-ი ჯერჯერობით კომენტარს არ აკეთებს.
Bloomberg-ის ორიგინალური სტატიის ავტორი: სტეფანი ბოდონი