ხანძარმა სამხრეთ კორეის დედაქალაქში მინიმუმ 60 სახლი გაანადგურა. ამის გამო, დაახლოებით 500 ადამიანის ევაკუაცია გახდა საჭირო.
სახლების გარეშე დარჩენილი მოსახლეობა ახლომდებარე სასტუმროებში მოათავსეს.
ხანძარი ადგილობრივი დროით დილის 6:27 საათზე სეულის ერთ-ერთ ყველაზე შეძლებულ გარეუბანში, განგნამის რაიონის განაპირას გაჩნდა.
დაღუპულების ან დაშავებულების შესახებ მედიაში ინფორმაცია არ გავრცელებულა.
ხანძრის ჩაქრობას 900-ზე მეტი მეხანძრე და რამდენიმე ვერტმფრენი დასჭირდა.
ხანძრის ზუსტი მიზეზი ჯერჯერობით უცნობია, მაგრამ ტერიტორია ხანძრისა და წყალდიდობისგან დაუცველია. სახლების დიდი ნაწილი დროებით საცხოვრებლად, ხისგან და მუყაოსგანაა აშენებული.
Korea Times-ის ცნობით, დასახლებაში 2009 წლის შემდეგ სულ მცირე 16 ხანძარი გაჩნდა.