კოვიდრეგულაციების გაუქმების შემდეგ, გასულ წელს ავიაკომპანიებმა ფრენების სიხშირე გაზარდეს, ანალიტიკოსები კი ტრადიციული სტატისტიკის წარმოებას დაუბრუნდნენ.
მოგზაურობის მონაცემების პროვაიდერის OAG-ის ახალი ანალიზის მიხედვით, 2022 წლის ყველაზე პუნქტუალური გლობალური ავიაკომპანია Garuda Indonesia იყო. მან ფრენების 95.63% დროულად შეასრულა.
სიაში მე-2 და მე-3 ადგილები სამხრეთ აფრიკულმა დაბალბიუჯეტიანმა Safair-მა და გერმანიის Eurowings-მა დაიკავეს. მათ რეისების 95.3% და 95.26% დროულად შეასრულეს. თუმცა, Eurowings ასევე ლიდერობს გაუქმებული ფრენების კატეგორიაშიც. მისი რეისების 3.49% გაუქმდა.
პუნქტუალური ავიაკომპანიების ოცეულში მხოლოდ ერთი ამერიკული ავიაკომპანია - Delta Airlines მოხვდა. მან სიაში მე-17 ადგილი დაიკავა. ავიაკომპანიამ რეისების 81.79%-ით დროულად შეასრულა, 1.94% კი გააუქმა.