მსოფლიოს უდიდეს ქალაქებში მოძრაობა პანდემიამდელ დონეზე აღდგა, ნაწილში კი გადაადგილება კიდევ უფრო ინტენსიურია.
ტრანსპორტის კვლევის კომპანიის INRIX Research-ის ანგარიშის თანახმად, მსოფლიოში ყველაზე გადატვირთული მოძრაობა აშშ-ისა და ევროპის ქალაქებშია.
ჯგუფმა დაადგინა, რომ ევროპის ურბანული ტერიტორიების 42%, ხოლო აშშ-ის 39% პანდემიამდელ პერიოდთან შედარებით, უფრო გადატვირთულია. ამ მხრივ, ყველაზე მძიმე ვითარებაა ბრიტანეთში, სადაც ეს მაჩვენებელი 72%-ს აღწევს.
ამასთან, დიდ ბრიტანეთში, გასულ წელს მძღოლი მოძრაობაში საშუალოდ 80 საათს ატარებდა, ხოლო აშშ-ში 51 საათს.
იმ ქალაქების სია, სადაც 2022 წელს მძღოლებმა გადაადგილებაში ყველაზე მეტი დრო დახარჯეს, ასეთია:
1. ლონდონი - 156 საათი
2. ჩიკაგო - 155 საათი
3. პარიზი - 138 საათი
4. ბოსტონი - 134 საათი
5. ბოგოტა - 122 საათი
6. პალერმო - 121 საათი
7. ტორონტო - 118 საათი
8. ნიუ-იორკი - 117 საათი
9. მონტერეი - 116 საათი
10. ფილადელფია - 114 საათი
„სამოქალაქო და კომერციული ცხოვრების ნორმალურ რეჟიმში დაბრუნება მშვენიერია. საცობები უახლოვდება (თუ არა აღემატება) პანდემიამდელ დონეს“, - ამბობს ანგარიშის ავტორი, ბობ პიშუ და აღნიშნავს, რომ მნიშვნელოვანია მოძრაობის სწორი მართვა, რათა არც ეკონომიკა დაზიანდეს და ამასთან, არც მგზავრებისა და მაცხოვრებლების ცხოვრების ხარისხი გაუარესდეს.