2022 წლის დეკემბერში საქართველოში წლიური ინფლაციის დონემ 9.8% შეადგინა, რომელიც მნიშვნელოვნად აღემატება ეროვნული ბანკის მიზნობრივ 3%-იან მაჩვენებელს. აღსანიშნავია, რომ გასულ წელს საქართველოს ეკონომიკის ერთ-ერთი მთავარი გამოწვევა ორნიშნა ინფლაცია იყო.
დეკემბერში, 2021 წლის ანალოგიურ პერიოდთან შედარებით, ყველაზე მეტად შემდეგი 10 პროდუქტი გაძვირდა:
- საქალაქთაშორისო ტელეფონის გადასახდელი - ზრდა 101%;
- სანოტარო გადასახდელი - 96%;
- სიმინდის ფქვილი - 84%;
- ხახვი - 64%;
- ასლის გადაღება - 59%;
- კარტოფილი - 47%;
- სარეცხი საპონი - 43%;
- საზამთრო - 39%;
- ვაფლი კრემით - 39%;
- ბინის დაქირავების ღირებულება - 37%.
საქსტატის მონაცემებით, ბოლო ერთ წელში ყველაზე მეტად შემდეგი 10 პროდუქტი გაიაფდა:
- კომბოსტო - კლება 46%;
- ქლიავი - 27%;
- ქალის ქვედაკაბა - 26%;
- სისხლძარღვთა გამაფართოებელი მედიკამენტები - 24%;
- საჭმლის მომნელებელი სისტემის პრეპარატები - 24%;
- ტელევიზორი - 23%;
- კომპიუტერი - 23%;
- ფოტოაპარატი - 15%;
- მტვერსასრუტი - 15%;
- მამაკაცის ფეხსაცმელი - 15%.