ფინანსთა მინისტრი ლაშა ხუციშვილი აცხადებს, რომ მომდევნო წლის ბიუჯეტიდან ელექტრონული არჩევნების ჩატარებისთვის საჭირო აპარატურაზე 20 მილიონი ლარი დაიხარჯება.
„ელექტრონული არჩევნების ჩატარებისთვის საჭირო აპარატურის ნაწილობრივ შესყიდვისთვის 20 მილიონ ლარს გავითვალისწინებთ“,- აღნიშნა ფინანსთა მინისტრმა მთავრობის სხდომის დასრულების შემდეგ.
ცნობისთვის, ელექტრონული არჩევნების ჩატარება 2024 წელს იგეგმება. 2024 წლის საპარლამენტო არჩევნებზე ამომრჩეველთა რეგისტრაცია და ხმის მიცემა საარჩევნო უბნების უმრავლესობაზე ელექტრონული აპარატურის გამოყენებით მოხდება.