Galt & Taggart-ის საბაზისო სცენარით, წელს საქართველოს ეკონომიკა 5%-ით გაიზრდება იმ შემთხვევაში, თუ ტურიზმი აღდგენას წლის მეორე ნახევრიდან დაიწყებს. ამ შემთხვევაში ქვეყანა დაახლოებით $1.2 მლრდ შემოსავალს მიღებს (2019 წლის დონის 36%) და მოსალოდნელია, რომ ლარიც გამყარდება.
ამავდროულად, ზრდის წარმმართველი იქნება ფისკალური სტიმული, საბანკო დაკრედიტება და ფულადი გზავნილები.
თუმცა, ალტერნატიულ, პესიმისტურ სცენარში, თუ ტურიზმის სექტორი არ აღდგება, ეკონომიკური ზრდა იქნება მხოლოდ 3.6% და საჭირო გახდება დამატებითი ფისკალური სტიმული.
აღსანიშნავია, რომ არც ერთი ამ სცენარებიდან არ ითვალისწინებს ეკონომიკის შემდგომ ჩაკეტვას, შესაბამისად თუ ეკონომიკური აქტივობა დროულად არ აღდგება ან შეზღუდვები კიდევ უფრო გამკაცრდება - მათი რეალობად ქცევის შანსები იკლებს.
ტურიზმის აღდგენის შემთხვევაში, საინვესტიციო ბანკი ლარის გამყარებას ელის 3.15-3.2 ნიშნულზე პესიმისტურ სცენარში კი ლარის კურსი 3.3-3.4 ფარგლებშია მოსალოდნელი. საერთო ჯამში, მხოლოდ შარშან ლარი დოლართან მიმართებაში 14.3%-ით გაუფასურდა.
2021 წელს საშუალო წლიური ინფლაცია მოსალოდნელია 4.5%-ის დონეზე; პესიმისტურ სცენარში ფასების დონის 5-6%-იან ზრდაა ნავარაუდევი.