დიდი ბრიტანეთის ახალი კანცლერი ჯერემი ჰანტი აუქმებს პრემიერმინისტრ ლიზ ტრასის გადასახადების შემცირების თითქმის ყველა ზომას, რომელიც სამი კვირის წინ გამოცხადდა.
შესაბამისად, საშემოსავლო გადასახადის ძირითადი განაკვეთი, რომელიც 2023 წლის აპრილიდან 20%-დან 19%-მდე უნდა შემცირებულიყო, ძალაში განუსაზღვრელი ვადით დარჩება.
მან ასევე აღნიშნა, რომ ენერგიის გადასახადის დახმარების მასშტაბური პროგრამა, რომელიც აპრილში სრულდება, არ გაგრძელდება. სანაცვლოდ, ხაზინის ხელმძღვანელობით მომზადდება წინადადებები იმის შესახებ, თუ როგორ უნდა დაეხმარონ ოჯახებს და ბიზნესს ენერგიის გაზრდილი ხარჯების ფონზე.
ბრიტანეთის კანცლერმა კვასი კვარტენგმა, გასული 50 წლის განმავლობაში, ქვეყნის ისტორიაში გადასახადების შემცირების ყველაზე დიდი პაკეტი 24 სექტემბერს წარადგინა და მას ბრიტანეთის ეკონომიკისთვის "ახალი ერის დასაწყისი" უწოდა. წარდგენილ პაკეტს მწვავე კრიტიკა მოჰყვა.