NDI-ის ახალი კვლევის მიხედვით, საქართველოს მოსახლეობის უმრავლესობა, 66%, ქვეყანაში ეკონომიკური მდგომარეობის გაუარესებას ელის. 18%-სთვის კი ეს ნაკლებად მოსალოდნელია.
მოსახლეობის უმრავლესობა ასევე ელის, ქვეყანაში პრორუსული ძალების გააქტიურებას, საქართველოს მიმართ რუსეთის სამხედრო აგრესიასა და ევროკავშირთან ურთიერთობის გაუარესებას.
გამოკითხული მოსახლეობის უმრავლესობა, 55%, ქვეყნის ეკონომიკურ მდგომარეობას უარყოფითად აფასებს. 45% კი მიიჩნევს, რომ ახლა უფრო ნაკლები ფინანსური შესაძლებლობები აქვს, ვიდრე 5 წლის წინ ჰქონდა.
ცნობისთვის, კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2022 წლის 12 ივლისიდან 15 აგვისტოს პერიოდში, სატელეფონო ინტერვიუს მეთოდით ჩატარდა. გამოკითხვა სულ 2,104 დასრულებულ ინტერვიუს მოიცავს. საშუალო ცდომილების ზღვარი +/- 2 პროცენტია.